एनएमबी बैंकको डिजिटल छलाङ : अब अनलाइनबाटै ऋण आवेदन, ‘रियल–टाइम’ ट्र्याकिङ

काठमाडौं — एनएमबी बैंकले डिजिटल बैंकिङ सेवातर्फ महत्वपूर्ण कदम चाल्दै अनलाइन ऋण आवेदन (Online Loan Application) तथा ‘रियल–टाइम’ ट्र्याकिङ प्रणाली सञ्चालनमा ल्याएको छ।

नयाँ डिजिटल पोर्टलमार्फत ग्राहकले जुनसुकै स्थानबाट ऋणका लागि आवेदन दिनुका साथै आफ्नो आवेदन कुन चरणमा पुगेको छ भन्ने जानकारी रियल–टाइममै हेर्न सक्नेछन्। यसले बैंक धाउनुपर्ने र कागजी प्रक्रिया पूरा गर्नुपर्ने झन्झट घटाउने बैंकको विश्वास छ।

अनलाइन ऋण आवेदन दिने तरिका

• digi.nmb.com.np मा लगइन गर्ने।
• Loan Services → Explore Products मा जाने।
• आफूलाई आवश्यक ऋण छनोट गरी विवरण भर्ने।
• फारम बुझाएपछि Online Loan Tracking ID प्राप्त गर्ने।
• Tracking ID प्रयोग गरी ऋण आवेदनको अवस्था हेर्ने।

एनएमबी बैंकले कागजरहित तथा प्रविधिमैत्री बैंकिङ सेवालाई प्राथमिकता दिँदै डिजिटल माध्यमबाट ग्राहकको समय बचत गर्ने उद्देश्यले सेवा सुरु गरेको जनाएको छ।

बैंकले देशभर १९७ शाखा, १७६ एटीएम र ९ एक्सटेन्सन काउन्टरमार्फत सेवा प्रदान गर्दै आएको जनाएको छ।