नैकापमा दिनदहाडै सुन पसलमा चोरी, १५ लाख ८५ हजार रुपैयाँ बराबरका गरगहना गायब

काठमाडौं, काठमाडौंको चन्द्रागिरी नगरपालिका–१४, नैकाप चोकस्थित जय लक्ष्मी सुनचाँदी पसलमा चोरी भएको छ। बिहीबार बिहान अज्ञात व्यक्तिले पसलबाट करिब १५ लाख ८५ हजार रुपैयाँ बराबरका सुन तथा चाँदीका विभिन्न गरगहना चोरी गरी फरार भएका हुन्।

प्रहरीका अनुसार उक्त पसल स्थानीय नविन महर्जनले सञ्चालन गर्दै आएका थिए। घटनापछि फरार रहेका चोरीमा संलग्न व्यक्तिको खोजी तीव्र पारिएको छ।

प्रहरीले घटनास्थलबाट प्रमाण संकलन गर्नुका साथै चोरीमा संलग्न व्यक्तिहरूको पहिचान र पक्राउका लागि आवश्यक अनुसन्धान अघि बढाएको जनाएको छ।