संखुवासभामा श्रीमतीको हत्या आरोपमा श्रीमान पक्राउ

संखुवासभा, संखुवासभाको मादी नगरपालिका–४ डाँडागाउँमा आफ्नै श्रीमती ४३ वर्षीया फुलमाया मुदेलको हत्या गरेको आरोपमा ५६ वर्षीय अमरबहादुर सार्कीलाई प्रहरीले पक्राउ गरेको छ।

प्रहरीका अनुसार घरायसी विवादका क्रममा धारिलो हतियार खुकुरी प्रहार गरी श्रीमतीको हत्या गरेको भन्ने सूचना प्राप्त भएपछि इलाका प्रहरी कार्यालय चैनपुर र प्रहरी चौकी मङ्गलबारे, मादीबाट खटिएको प्रहरी टोलीले शनिबार बिहान उनलाई नियन्त्रणमा लिएको हो।

घटनासम्बन्धी थप अनुसन्धान भइरहेको प्रहरीले जनाएको छ। अदालतबाट अन्तिम फैसला नआउञ्जेल आरोपितलाई कानुनी रूपमा दोषी ठहर गरिएको मानिँदैन।