सुर्खेतमा भरुवा बन्दुकसहित ५३ वर्षीय शेर बहादुर राना पक्राउ

सुर्खेत, सुर्खेतको बराहताल गाउँपालिकाबाट प्रहरीले एक थान अवैध हतियारसहित एक जनालाई नियन्त्रणमा लिएको छ। पक्राउ पर्नेमा बराहताल गाउँपालिका–४, छाप्रे बस्ने ५३ वर्षीय शेर बहादुर राना रहेका छन्।

घरमै लुकाइराखेको अवस्थामा बन्दुक बरामद

अस्थायी प्रहरी पोष्ट तरंगाबाट खटिएको प्रहरी टोलीले रानाको घरमा अवैध हतियार रहेको विशेष सूचनाका आधारमा खानतलासी गरेको थियो। सो क्रममा घरमा लुकाइराखिएको एकनाले भरुवा बन्दुक १ थान फेला परेपछि शुक्रबार बिहान उनलाई पक्राउ गरिएको हो।

प्रहरीले रानालाई नियन्त्रणमा लिई अवैध हातहतियार तथा खरखजाना सम्बन्धी कसुरमा थप अनुसन्धान अगाडि बढाएको छ। उक्त बन्दुक कुन प्रयोजनका लागि राखिएको थियो भन्नेबारे प्रहरीले खोजी गरिरहेको जनाएको छ।