भक्तपुरमा दिउँसै ठूलो चोरी: झण्डै १० लाख बराबरका गरगहना गायब

भक्तपुर, ११ वैशाख।भक्तपुरको चाँगुनारायण नगरपालिका–६ बेशी टोलमा दिउँसै भएको चोरी घटनाले स्थानीयमा त्रास फैलिएको छ। दुर्गा लामा तामाङको टहरोबाट करिब १० लाख ४५ हजार रुपैयाँ बराबरका सुनका विभिन्न गरगहना चोरी भएको प्रहरीले जनाएको छ।

बिहीबार दिउँसो भएको उक्त घटनामा अपरिचित व्यक्तिहरूले मौका छोपी टहरोमा प्रवेश गरी बहुमूल्य गहना लिएर फरार भएको प्रारम्भिक अनुसन्धानबाट खुलेको छ। घटनापछि पीडित परिवार स्तब्ध बनेको छ भने स्थानीयले सुरक्षाप्रति गम्भीर चिन्ता व्यक्त गरेका छन्।

प्रहरीले चोरीमा संलग्न फरार व्यक्तिहरूको खोजी तीव्र बनाएको जनाएको छ। साथै, घटनाबारे थप अनुसन्धान जारी रहेको र दोषीलाई छिट्टै नियन्त्रणमा लिने प्रतिबद्धता जनाएको छ।