इलाम र रूकुम पश्चिममा दुई महिलाको मृत्यु

काठमाडौं, २ वैशाख – देशका दुई फरक स्थानमा दुई जना महिला मृत अवस्थामा फेला परेका छन्। इलामको सूर्योदय नगरपालिका–१२ स्कुल टोलस्थित आफ्नै घरमा २९ वर्षीया अनिता भगवत राई बुधबार मृत अवस्थामा फेला परेकी हुन्। घटनाबारे जानकारी पाएपछि पुगेको प्रहरी टोलीले घटनास्थल सुरक्षित गर्दै आवश्यक अनुसन्धान अघि बढाएको जनाएको छ।

यस्तै, रूकुम पश्चिमको सानीभेरी गाउँपालिका–९ घरेली क्षेत्रमा ५४ वर्षीया शान्ती खड्का घर नजिकैको गोरेटो बाटोमा मृत अवस्थामा फेला परेकी छन्। दुवै घटनाको कारण खुल्न बाँकी रहेको प्रहरीले जनाएको छ भने घटनासम्बन्धी थप अनुसन्धान भइरहेको छ।