बालिका बलात्कृत भएको उजुरी परेपछि बल बहादुर पक्राउ

उदयपुर, उदयपुर जिल्लाको रौतामाई गाउँपालिकामा एक नाबालिकालाई जबरजस्ती करणी गरेको अभियोगमा एक युवक पक्राउ परेका छन्।

रौतामाई गाउँपालिका-७ धाङ्गले बस्ने २४ वर्षीय ‘बले’ भन्ने बल बहादुर श्रेष्ठलाई १४ वर्षीया बालिकामाथि जबरजस्ती करणी गरेको आरोपमा बुधबार बिहान प्रहरीले नियन्त्रणमा लिएको हो।

जिल्ला प्रहरी कार्यालय उदयपुरका अनुसार, पीडित पक्षले दिएको उजुरीका आधारमा खटिएको प्रहरी टोलीले श्रेष्ठलाई पक्राउ गरेको हो। पक्राउ परेका उनीमाथि अहिले थप अनुसन्धान भइरहेको र कानुन बमोजिम कडा कारबाहीको प्रक्रिया अगाडि बढाइने प्रहरीले जनाएको छ।