मकाउ पठाइदिन्छु भन्दै लाखौँ ठग्ने ४५ वर्षीय राजेन्द्र खड्का पक्राउ: यसरी गरियो प्रहरी अपरेसन!

काठमाडौं, वैदेशिक रोजगारीका नाममा ठगी गर्ने एक व्यक्तिलाई काठमाडौं उपत्यका अपराध अनुसन्धान कार्यालय टेकुको टोलीले पक्राउ गरेको छ।

मकाउमा आकर्षक तलबको प्रलोभन देखाई पीडितबाट ३ लाख ८३ हजार रुपैयाँ लिएर सम्पर्कविहीन भएका ओखलढुङ्गा घर भई हाल काठमाडौं बुढानीलकण्ठ बस्ने ४५ वर्षीय राजेन्द्र खड्कालाई सोमबार प्रहरीले नियन्त्रणमा लिएको हो।

पीडितको उजुरीका आधारमा प्रहरीले उनलाई बुढानीलकण्ठ-१२ बाट पक्राउ गरेको हो। थप अनुसन्धान र कानुनी कारबाहीका लागि उनलाई वैदेशिक रोजगार विभाग, ताहाचल पठाइएको प्रहरीले जनाएको छ।