लोकतान्त्रिक शक्ति मिलेर मात्र देश सुरक्षित रहन्छ: केपी ओली

काठमाडौं, पुस २६ – नेकपा (एमाले) का अध्यक्ष केपी शर्मा ओलीले मुलुकको राजनीति अहिले ‘पुराना’ र ‘नयाँ’ दल’ भन्दा पनि भदौ २४ का विध्वंसलाई स्विकार्ने कि अस्वीकार गर्ने भन्ने सवालमा केन्द्रित हुँदै गएको बताएका छन्। शनिबार पार्टी केन्द्रीय कमिटी बैठकमा सम्बोधन गर्दै उहाँले एमालेको सक्रिय भूमिका र लोकतन्त्रका पक्षधर दल तथा नागरिक समाजको प्रयासले प्रतिगमनको शृङ्खला रोक्न सफल भएको दाबी गर्नुभयो।

उहाँका अनुसार भदौ २४ को विध्वंसका पक्षधरहरू अब एक ठाउँमा उभिन खोजिरहेका छन्, तर लोकतन्त्र र संविधानको रक्षा गर्ने जनताका प्रयास, पार्टीको अनुशासित नेतृत्व र वैध निकायको निगरानीले उनीहरूको योजना कमजोर हुँदै गएको छ। ओलीले चेतावनी दिनुभयो कि पपुलिज्म वा अवतारी नायकको भ्रममा नपर्नुहोस्; विध्वंसले मात्र अराजकता र निराशा ल्याउँछ।

अध्यक्ष ओलीले लोकतन्त्र र संविधानको रक्षा गर्न सर्वा लोकतान्त्रिक शक्ति मिलेर सहकार्य गर्नुपर्नेमा जोड दिँदै, एमाले निर्वाचनमा स्वस्थ प्रतिस्पर्धा र आवश्यक सहकार्यका लागि तत्पर रहेको स्पष्ट पार्नुभयो।