वैदेशिक रोजगारीको नाममा ठगी ! ७ जना पक्राउ

काठमाडौं,  आकर्षक तलब र सुनौलो भविष्यको सपना देखाएर विभिन्न देश पठाइदिने भन्दै लाखौं रुपैयाँ ठगी गर्ने ७ जना पक्राउ परेका छन्।

प्रहरीका अनुसार पक्राउ पर्नेहरूले ग्रिस, क्रोएसिया, सर्बिया, बेलायत (यूके), यूएई र अजरबैजान पठाइदिने प्रलोभन देखाई पीडितहरूबाट लाखौं रुपैयाँ असुलेर सम्पर्कविहीन भएका थिए।

पक्राउ परेकामध्ये एक जनाले मात्र १० लाख रुपैयाँ, अर्काले १३ लाख ३० हजार रुपैयाँ, अर्कोले १३ लाख रुपैयाँ, तथा यूके पठाइदिने भन्दै एक व्यक्तिबाट १२ लाख ६३ हजार रुपैयाँ सम्म ठगी गरेको खुलेको छ।

पीडितहरूको उजुरीपछि काठमाडौं उपत्यका अपराध अनुसन्धान कार्यालय, टेकु को टोलीले काठमाडौंका विभिन्न स्थानबाट उनीहरूलाई पक्राउ गरेको हो।

प्रहरीले पक्राउ परेका सबैलाई थप अनुसन्धान तथा कानुनी कारबाहीका लागि वैदेशिक रोजगार विभाग, ताहाचल पठाएको जनाएको छ।

वैदेशिक रोजगारीमा जानुअघि सरकारी स्वीकृति प्राप्त म्यानपावर कम्पनी र आधिकारिक प्रक्रिया मात्र अपनाउन प्रहरीको आग्रह।