प्रधानमन्त्री केपी शर्मा ओलीले अन्तर्राष्ट्रिय युवा दिवसको अवसरमा संसारभरका युवाहरूलाई दिनुभएको शुभकामना संदेश !

काठमाडौं, साउन २७ । प्रधानमन्त्री केपी शर्मा ओलीले अन्तर्राष्ट्रिय युवा दिवसको अवसरमा संसारभरका युवाहरूलाई शुभकामना दिनुभएको छ ।

सामाजिक सञ्जाल फेसबुकमार्फत प्रधानमन्त्री ओलीले सन् १९९९ मा संयुक्त राष्ट्रसंघले अगस्ट १२ लाई युवाहरूको योगदान, अधिकार र अवसरको सम्मान गर्ने दिनका रूपमा घोषणा गरेको स्मरण गराउनुभएको छ । पहिलो पटक सन् २००० मा युवा दिवस मनाइएको थियो।

प्रधानमन्त्री ओलीले युवा दिवसले युवाहरूलाई सामाजिक, आर्थिक, सांस्कृतिक र राजनीतिक क्षेत्रमा सशक्त बनाउन प्रेरणा प्रदान गर्ने विश्वास व्यक्त गर्नुभएको छ । ‘फूलको मुस्कान कोपिलामा भएजस्तै युवाको ऊर्जा, सृजनशीलता र सपनामा नै राष्ट्रको भविष्य छ, हाम्रो सकारात्मक सोच, निरन्तरको प्रयास र एकताबद्ध व्यवहारले देशलाई समृद्ध बनाउने सङ्कल्प पूरा हुने छ, संसारभरका युवाहरूलाई शुभकामना’, उहाँले फेसबुकमा लेख्नु भएको छ ।

Source ✍🏻✍🏻📸📸 :  Nabaraj Pathik