ब्रेकिङ अलर्ट : तिब्बततर्फ पानीको बाँध पुनः फुटेको सूचना, तत्काल सुरक्षित स्थानमा जान नेपाल प्रहरीको आग्रह

काठमाडौं । तिब्बततर्फ पानीको बाँध पुनः फुटेको जानकारी प्राप्त भएपछि तल्लो तटीय क्षेत्रका बासिन्दालाई उच्च सतर्कता अपनाउन नेपाल प्रहरीले अनुरोध गरेको छ।

नेपाल प्रहरीले उद्धार तथा राहत कार्यमा खटिनुभएका सम्पूर्ण सुरक्षाकर्मी, उद्धारकर्मी तथा सर्वसाधारणलाई तत्काल सतर्क रहन र सम्भावित जोखिमबाट बच्न सुरक्षित स्थानतर्फ जान आग्रह गरेको छ।

पानीको बहाव अचानक बढ्न सक्ने सम्भावनालाई ध्यानमा राख्दै नदी तथा खोलाको तटीय क्षेत्रमा नजान, जोखिमयुक्त स्थानमा नबस्न तथा स्थानीय प्रशासन र सुरक्षा निकायबाट जारी हुने सूचनाको पालना गर्न अनुरोध गरिएको छ।

बाढी प्रभावित तथा तटीय क्षेत्रमा रहनुभएका सबैले यो सूचना तत्काल अरूलाई पनि शेयर गरी सचेत गराउनुहोस्।

सतर्क रहनुहोस् । सुरक्षित रहनुहोस् । अरूलाई पनि सुरक्षित बनाऔँ।