कपिलवस्तुमा करेन्ट लागेर सिमेन्ट फ्याक्ट्रीका मजदुरको मृत्यु

कपिलवस्तु, ६ वैशाख । कपिलवस्तुको शिवराज नगरपालिका–७ लोहरौलास्थित विजय सिमेन्ट फ्याक्ट्रीमा कार्यरत एक मजदुरको करेन्ट लागेर मृत्यु भएको छ। मृत्यु हुनेमा महाराजगंज नगरपालिका–५ इट्रोल बस्ने ४५ वर्षीय किशोर कहार रहेका छन्।

शनिबार दिउँसो फ्याक्ट्रीमा मेसिन चलाउने क्रममा उनलाई अचानक करेन्ट लागेको थियो। करेन्ट लागेर गम्भीर घाइते भएका कहारलाई तत्काल उपचारका लागि शिवराज अस्पताल बहादुरगंज लगिएको थियो।

अस्पतालमा उपचारकै क्रममा उनको मृत्यु भएको प्रहरीले जनाएको छ। घटनाका सम्बन्धमा प्रहरीले आवश्यक कानुनी प्रक्रिया र थप अनुसन्धान अगाडि बढाएको छ।