मृत अवस्थामा फेला

कञ्चनपुर, १९ चैत, महोत्तरी, बर्दिबास नगरपालिका-१ दिलिप सिमेन्ट टायल फ्याक्ट्री नजिक हाल नाम, थर र वतन नखुलेकी अन्दाजी ४० वर्षीया महिला बिहीबार मृत अवस्थामा फेला परेकी छिन् ।

​तेह्रथुम, आठराई गाउँपालिका-१ बस्ने २८ वर्षीय मन्दिप फोम्बो लिम्बु आफ्नै घर नजिकै बिहीबार मृत अवस्थामा फेला परेका छन् ।

​दाङ, बङ्गलाचुली गाउँपालिका-२ जुगेपानीमा घोराही उपमहानगरपालिका-१८ काभ्रेखोला बस्ने ७५ वर्षीय हुनाराम दमाई बिहीबार मृत अवस्थामा फेला परेका छन् ।

​यसैगरी दाङ, तुलसीपुर उपमहानगरपालिका-५ सल्यान रोड बस्ने ३३ वर्षीय राजु वली आफ्नै घरमा बिहीबार मृत अवस्थामा फेला परेका छन् ।

​रौतहट, गुजरा नगरपालिका-३ बलुवा टोल बस्ने संदिप राउतकी छोरी २ वर्षीया शवास्ना कुमारी पटेल आफ्नै घर अगाडि रहेको पानी जमेको खाल्डोमा बिहीबार मृत अवस्थामा फेला परेकी छिन् ।

यस सम्बन्धमा प्रहरीले आवश्यक अनुसन्धान गरिरहेको छ ।

(स्रोत – नेपाल प्रहरी प्रधान कार्यालय, प्रहरी महानिरीक्षकको सचिवालय)