नाबालिकामाथि जबरजस्ती करणी आरोपमा दुई जना पक्राउ

काठमाडौं, १६ चैत – नाबालिकामाथि यौन दुर्व्यवहारका गम्भीर घटनामा संलग्न रहेको आरोपमा प्रहरीले दुई जनालाई पक्राउ गरेको छ।

कैलालीको जानकी गाउँपालिका-७ टिक्लीगढका २१ वर्षीय अमन चौधरीलाई १५ वर्षीया बालिकामाथि जबरजस्ती करणी गरेको अभियोगमा पक्राउ गरिएको हो। त्यस्तै, संखुवासभाको चैनपुर नगरपालिका-७ फलाटेका १९ वर्षीय निसान कार्कीलाई १२ वर्षीया बालिकामाथि सोही प्रकृतिको अपराध गरेको आरोपमा नियन्त्रणमा लिइएको प्रहरीले जनाएको छ।

दुवै घटनामा पीडित परिवारको उजुरीका आधारमा सम्बन्धित इलाका प्रहरी कार्यालयबाट खटिएको टोलीले अभियुक्तहरूलाई पक्राउ गरेको हो।

प्रहरीले यस्ता गम्भीर अपराधमा संलग्नमाथि कडा कारबाही गरिने जनाउँदै घटनासम्बन्धी थप अनुसन्धान जारी रहेको जनाएको छ।

(स्रोत: नेपाल प्रहरी)