विदेश लैजान लागेका २८,९०० अमेरिकी डलरसहित ३ जना पक्राउ – त्रिभुवन विमानस्थल

काठमाडौं, त्रिभुवन अन्तर्राष्ट्रिय विमानस्थलमा बुधबार दिउँसो बाह्र्य मुलुकतर्फ लैजान लागेका तीन जनालाई अमेरिकी डलर २८,९०० सहित पक्राउ गरिएको छ।

पक्राउ पर्नेमा नागार्जुन–१ की ४५ वर्षीया अनिता लामा, सिन्धुपाल्चोक सुनकोशी–६ की ३८ वर्षीया संगिता लामा र लिसंखु पाखर–७ का ४७ वर्षीय बिनोद लामा रहेका छन्।

चेकिङको क्रममा अनिताको साथबाट १० हजार, संगिताको १० हजार र बिनोदको ८,९०० अमेरिकी डलर फेला परेको हो। उनीहरू चीन जाने चाइना साउथर्न उडानमा थिए।

उनीहरूलाई थप अनुसन्धान र कारवाहीका लागि राजस्व अनुसन्धान विभाग, हरिहरभवन, ललितपुर पठाइएको छ।

नागरिक सचेत रहनुहोस् – विदेशी मुद्रा विदेश लैजाँदा कानुनी प्रक्रिया पालना गर्नु अनिवार्य छ।