खेतबाट कटुवा पेस्तोल बरामद

नवलपरासी पश्चिम, २६ फागुन — नवलपरासी पश्चिमको प्रतापपुर गाउँपालिका–५ छोटकी बैदौलीस्थित खेतबाट प्रहरीले कटुवा पेस्तोल १ थान बरामद गरेको छ।

मंगलबार बिहान प्रहरी चौकी बसहियाबाट खटिएको टोलीले नियमित निगरानीका क्रममा खेतमा लुकाएर राखिएको अवस्थामा उक्त पेस्तोल फेला पारी बरामद गरेको हो।

घटनाबारे थप अनुसन्धान भइरहेको प्रहरीले जनाएको छ। पेस्तोल कसले र किन त्यहाँ राखेको भन्ने विषयमा प्रहरीले खोजी तीव्र पारेको छ।