मोरङमा स्रोत नखुलेको ४ लाख ६२ हजार बढी नगदसहित युवक पक्राउ!

कटहरी गाउँपालिका-३, १९ फागुन || मोरङमा स्रोत नखुलेको ठूलो परिमाणको नगदसहित एक युवक पक्राउ परेका छन्।

जिल्ला प्रहरी कार्यालय मोरङबाट खटिएको प्रहरी टोलीले विराटनगरबाट कटहरीतर्फ जाँदै गरेको प्र.१-०२-००२ च ६६१० नम्बरको पिकअप गाडी जाँच गर्ने क्रममा चालकको साथबाट ४ लाख ६२ हजार ५ सय रुपैयाँ फेला पारेको हो।

पक्राउ पर्नेमा जहदा गाउँपालिका-२ बस्ने २४ वर्षीय विशाल टुडु रहेका छन्।

प्रहरीले नगदको स्रोत खुल्न नसकेको जनाएको छ। घटनाबारे थप अनुसन्धान भइरहेको छ।

स्रोत नखुलेको रकम ओसारपसारप्रति सुरक्षा निकायले निगरानी कडा बनाएको जनाएको छ।