सिराहामा १४ लाख रुपैयाँसहित युवक पक्राउ

सिराहा, ९ फागुन — औरही गाउँपालिका-५ स्थित औरही चोकबाट स्रोत नखुलेको नगद १४ लाख रुपैयाँसहित एक युवक पक्राउ परेका छन्।

पक्राउ पर्नेमा बरियारपट्टी गाउँपालिका-३ शिवनगर बस्ने २१ वर्षीय संजित कुमार यादव रहेका छन्। उनलाई शुक्रबार दिउँसो नेपाल प्रहरी अन्तर्गत प्रहरी चौकी औरहीबाट खटिएको टोलीले नियन्त्रणमा लिएको हो।

प्रहरीका अनुसार स.१० प ४०५ नम्बरको मोटरसाइकलमा सवार रहेका यादवको साथबाट १४ लाख रुपैयाँ नगद बरामद गरिएको थियो। उक्त रकमको स्रोत खुलाउन नसकेपछि उनलाई नियन्त्रणमा लिइएको प्रहरीले जनाएको छ।

घटनाबारे थप अनुसन्धान भइरहेको प्रहरीले जनाएको छ।