तामाकोशीमा खस्यो यात्रु बस, १२ जनाको ज्यान गयो

रामेछाप, २७ माघ || रामेछापको मन्थली नगरपालिका–६ बेनीघाट पुल नजिक मंगलबार बिहान भयावह सवारी दुर्घटना भएको छ। काठमाडौंबाट ओखलढुङ्गातर्फ जाँदै गरेको बा.प्र ००१–०५ ख ९९७५ नम्बरको यात्रु बस अनियन्त्रित भई तामाकोशी नदीमा खस्दा बसमा सवार ७ जना पुरुष र ५ जना महिला गरी १२ जनाको मृत्यु भएको छ।

दुर्घटनामा गम्भीर घाइते भएका बसमा सवार ६ जनालाई धुलिखेल अस्पताल काभ्रे र १ जनालाई छाउनी अस्पताल काठमाडौं थप उपचारका लागि रिफर गरिएको प्रहरीले जनाएको छ।

घटनापछि बस चालकलाई प्रहरीले नियन्त्रणमा लिएको छ भने मृतकहरूको हालसम्म नाम, थर र वतन खुल्न सकेको छैन।

घटनाले सम्पूर्ण क्षेत्र शोकमा डुबाएको छ। यस सम्बन्धमा प्रहरीले थप अनुसन्धान अघि बढाइरहेको छ।