संगीतमा शोक! प्रशान्त तामाङको पार्थिव शरीर दार्जिलिङ लगियो, आजै अन्तिम संस्कार

दार्जिलिङ । चर्चित गायक तथा अभिनेता प्रशान्त तामाङको पार्थिव शरीर अन्तिम संस्कारका लागि दार्जिलिङ लगिएको छ। सोमबार बिहान सिलिगुडीस्थित बागडोगरा विमानस्थलबाट उनको शव दार्जिलिङ पुर्‍याइएको हो।

हजारौँको अन्तिम विदाइ
दार्जिलिङमा आयोजित शवयात्रामा हजारौँ शुभचिन्तक, प्रशंसक र आफन्त सहभागी भएका छन्। सबैले पुष्पगुच्छा अर्पण गर्दै भावुक श्रद्धाञ्जली व्यक्त गरिरहेका छन्।

चौधास्ता (चाउरास्ता) मा अन्तिम श्रद्धाञ्जली
प्रशान्त तामाङको पार्थिव शरीरलाई अन्तिम श्रद्धाञ्जलीका लागि दार्जिलिङको चौधास्ता (चाउरास्ता) मा राखिने जनाइएको छ। आजै अन्तिम संस्कार गरिनेछ।

४३ वर्षमै अस्ताए स्वरका नायक
‘इण्डियन आइडल–३’ का विजेता प्रशान्त तामाङको आइतबार दिल्लीमा ४३ वर्षको उमेरमा निधन भएको थियो। उनी लामो समयदेखि गायन र अभिनय दुवै क्षेत्रमा सक्रिय रहँदै आएका थिए।

संगीतले पाएको अमिट आवाज
प्रशान्त तामाङको असामयिक निधनले भारतीय र नेपाली संगीत क्षेत्रलाई गहिरो शोकमा डुबाएको छ। उनका गीत र योगदान सदैव दर्शक–श्रोताको मनमा जीवित रहनेछन्।

भावपूर्ण श्रद्धाञ्जली।