डुबेर मृत्यु

काठमाडौं, २० फागुन

लमजुङ, सुन्दरबजार नगरपालिका-५ थाक्ले बस्ने २७ वर्षीय दिपेन्द्र घिमिरेको सोही ठाउँस्थित पाउदी खोलामा डुबेर सोमबार दिउँसो मृत्यु भएको छ । डुबेर अशक्त भएका उनको नमुना सामुदायिक अस्पताल सुन्दरबजारमा उपचारको क्रममा मृत्यु भएको हो ।

धनुषा, मुखियापट्टी मुसहरनिया गाउँपालिका–६ लक्ष्मिपुरस्थित पोखरीमा डुबेर सोही ठाउँ बस्ने ३५ वर्षीय बिक्रम प्रसाद पूर्वेको सोमबार दिउँसो मृत्यु भएको छ ।

दाङ, घोराही उपमहानगरपालिका-१७ घनिबगिया बस्ने ५७ वर्षीय रूद्र बहादुर मगरको आफ्नै घर नजिकै रहेको पानीको खाल्डोमा डुबेर सोमबार राति मृत्यु भएको छ । डुबेर अशक्त भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।