नेप्सेको सी.ई.ओ.मा नारद लुँइटेल नियुक्त

नेपाल स्टक एक्सचेन्ज नेप्सेको प्रमुख कार्यकारी अधिकृतमा नारदकुमार लुँइटेल नियुक्त हुनुभएको छ । आज सोमबार साँझ बसेको मन्त्रिपरिषद् बैठकले लुँइटेललाई नेप्सेको सीईओ नियुक्त गर्ने निर्णय गरेको हो ।

उहाँ यस अघि २०७२ देखि २०७६ सम्म तारागाउँ विकास समितिको अध्यक्ष हुनुभई सकेको छ, साथै उहाँ नेपाल पर्यटन तथा होटल व्यवस्थापन प्रतिष्ठान (नाथम) को कार्यकारी निर्देशक पनि हुनुभएको थियो । पर्यटन व्यवसाय र अध्यापनमा पनि संलग्न सर्लाही हरिवनका ४५ वर्षीय लुँइटेलले त्रिभुवन विश्वविद्यालयबाट वाणिज्य विषयमा स्नातकोत्तर गर्नुभएको छ ।