एनएमबी बैंकको सी. इ. ओ. मा गोविन्द घिमिरे नियुक्त !

काठमाडौं ।
एनएमबी बैंकको प्रमुख कार्यकारी अधिकृतमा गोविन्द घिमिरे नियुक्त हुनुभएको छ । बैंक सञ्चालक समितिको फागुन २३ गते बसेको बैठकले घिमिरेलाई सी. इ. ओ. मा नियुक्त गर्ने निर्णय गरेको हो ।

हालका प्रमुख कार्यकारी अधिकृत सुनिल केसी २ कार्यकाल पूरा गरेर फागुन अन्तिमबाट विदाई भै रिक्त हुन लागेको प्रमुख कार्यकारी अधिकृत पदको रुपमा चैतबाट घिमिरेले सम्हाल्नुहुनेछ।

त्रिभुवन विश्वविद्यालयबाट एमबीएस र कानुनमा स्नातक गर्नुभएको घिमिरेले सन् १९९५ बाट तत्कालीन नेपाल बंगलादेश बैंकबाट बैंकिङ करियर सुरु गर्नुभएको थिय। सन् २००९ देखि एनएमबी बैंकमा आवद्ध उहाँ २०७९ असोज ११ गते डीसीईओमा बढुवा हुनुभएको थियो । उहाँ ब्रान्च बैंकिङ र कर्जा बैंकिङमा विशेषज्ञ बैंकरको रुपमा समेत सुपरिचित हुनुहुन्छ ।

घिमिरे सीईओ बनेसँगै सञ्चालक समितिको बैठकले बैंकका नायव प्रमुख कार्यकारी अधिकृत सुदेश उपाध्यायलाई वरिष्ठ नायव प्रमुख कार्यकारी अधिकृत बनाएको छ । उपाध्याय चाहिँ विगत एक दशकदेखि एनएमिब बैंकमा कार्यरत हुनुहुन्छ । उहाँ सन् २०१५ मा एनएमबि बैंकको सिनियर म्यानेजरको रुपमा भित्रीनु भएको थियो ।