शुभ दीपावली, नेपाल संवत् ११४७ तथा छठ पर्व २०८३ को हार्दिक मङ्गलमय शुभकामना !

अन्धकारमाथि प्रकाशको विजय, आपसी भाइचारा र खुसीयालीको प्रतीकका रूपमा मनाइने महाचाड शुभ दीपावली (तिहार), नेपालको आफ्नै मौलिक राष्ट्रिय संवत्का रूपमा रहेको नेपाल संवत् ११४७ तथा प्रकृतिप्रतिको कृतज्ञता, निष्ठा र सूर्य उपासनाको महापर्व छठ पर्व २०८३ को यस पावन अवसरमा प्रिन्सिपल एसोसिएसन अफ नेपाल (PAN) तथा शान्ति शिक्षा मन्दिर परिवारका तर्फबाट देश तथा विदेशमा छरिएर रहनुभएका सम्पूर्ण नेपाली दाजुभाइ, दिदीबहिनी तथा आदरणीय आमाबुबाहरूमा हार्दिक मङ्गलमय शुभकामना व्यक्त गर्दछु।

हाम्रा महान् सांस्कृतिक पर्वहरू केवल उत्सव मात्र नभई समाजलाई एकता, सद्भाव र भाइचाराको सूत्रमा बाँध्ने बलिया आधारहरू हुन्। दीपावलीको यस उज्यालो पर्वले सबै नेपालीको घरघरमा सुख, शान्ति, समृद्धि र आरोग्यता ल्याओस्। त्यसै गरी, नेपालको ऐतिहासिक पहिचान बोकेको नेपाल संवत् ११४७ ले हामी सबैमा नयाँ उत्साह र राष्ट्रिय स्वाभिमानका साथ अघि बढ्ने प्रेरणा प्रदान गरोस्। निष्ठा र पवित्रताको महापर्व छठ पर्वमा छठी माता र प्रत्यक्ष देव सूर्य भगवान्‌ले सम्पूर्ण देशबासीको रक्षा गर्दै जीवनमा सुख, समृद्धि र प्रगतिको आशीर्वाद प्रदान गरुन् भन्ने प्रार्थना गर्दछु।

देशको समग्र विकास र रूपान्तरणको मुख्य मेरुदण्ड शिक्षा क्षेत्र हो। यस पावन अवसरमा नेपाल अधिराज्यभरका सम्पूर्ण आदरणीय प्राचार्य (प्रिन्सिपल) ज्यूहरू, गुरु तथा गुरुवर्ग, विद्यार्थी भाइबहिनीहरू, अभिभावकज्यूहरू, विद्यालय सञ्चालक समिति, शिक्षाविद्हरू एवं शिक्षा क्षेत्रको उन्नयनमा निरन्तर अहोरात्र खट्नुहुने सम्पूर्ण सरोकारवालाहरूमा विशेष शुभकामना अर्पण गर्दछु। यी चाडपर्वहरूले हाम्रा शिक्षण संस्थाहरूमा अध्ययन-अध्यापनको वातावरणलाई अझ उँचो बनाउँदै प्रविधिमैत्री, गुणस्तरीय, व्यावहारिक र गुणवान् शिक्षा प्रदान गर्ने हाम्रो साझा सङ्कल्पलाई थप बलियो बनाउनेछन् भन्ने विश्वास लिएको छु।

साथै, समाजका हरेक सूचना र शैक्षिक मुद्दाहरूलाई नागरिकसम्म पुर्‍याएर रूपान्तरणमा अहम् भूमिका खेल्नुहुने आदरणीय पत्रकार मित्रहरू,शुभचिन्तकहरू तथा सम्पूर्ण नागरिक समाजप्रति हार्दिक कृतज्ञता व्यक्त गर्दछु। आउनुहोस्, यी पावन पर्वहरूका माध्यमबाट हामी सबै मिली देशको शैक्षिक स्तर उन्नति, सुशासन र समृद्धिका लागि हातेमालो गरौँ।

सुदाम प्रसाद गौतम (Sudam Prasad Gautam)
अध्यक्ष, प्रिन्सिपल एसोसिएसन अफ नेपाल (PAN)
प्रिन्सिपल, शान्ति शिक्षा मन्दिर