बाँकेमा जबरजस्ती करणी आरोपमा एक युवक पक्राउ

बाँकेको बैजनाथ गाउँपालिका–३ का २५ वर्षीय लक्ष्मण थारूलाई ४५ वर्षीया महिलामाथि जबरजस्ती करणी गरेको आरोपमा प्रहरीले पक्राउ गरेको छ।

प्रहरीका अनुसार पीडित महिलाको उजुरीका आधारमा इलाका प्रहरी कार्यालय बनकटवाबाट खटिएको प्रहरी टोलीले शनिबार राति उनलाई नियन्त्रणमा लिएको हो।

घटनासम्बन्धी आवश्यक अनुसन्धान भइरहेको प्रहरीले जनाएको छ। अदालतबाट हुने अन्तिम निर्णय नआउञ्जेल आरोपितलाई कानुनी रूपमा दोषी ठहर गरिएको मानिँदैन।