पोखरामा पौडी खेल्ने क्रममा डुबेर १८ वर्षीय युवकको मृत्यु

कास्की, २७ जेठ — पोखरा महानगरपालिका–२९ स्थित बगदी खोलामा पौडी खेल्ने क्रममा डुबेर एक युवकको मृत्यु भएको छ।

मृत्यु हुनेमा पोखरा महानगरपालिका–२९ सैनिकबस्ती निवासी १८ वर्षीय ब्रासिल सुनार रहेका छन्। मंगलबार बेलुकी साथीसँग पौडी खेल्ने क्रममा उनी खोलामा डुबेका थिए। घटनापछि स्थानीय र प्रहरीको सहयोगमा उद्धार प्रयास गरिएको भए पनि उनको ज्यान जोगाउन नसकिएको बताइएको छ।

प्रहरीले घटनाबारे थप अनुसन्धान गरिरहेको जनाएको छ।