घरनजिकैको पानीको खाल्डोमा डुबेर ५ वर्षीय बालकको मृत्यु

रौतहट । रौतहटको कटहरिया नगरपालिका–९ डुमरियामा पानी जमेको खाल्डोमा डुबेर एक बालकको दुःखद मृत्यु भएको छ ।

मंगलबार साँझ स्थानीय श्याम पासवानका ५ वर्षीय छोरा राजु पासवान आफ्नै घर नजिक रहेको पानीको खाल्डोमा डुबेका थिए ।

डुबेर अशक्त भएका बालकलाई तत्काल उपचारका लागि कटहरियास्थित बैदेही हेल्थ केयर लगिएको भए पनि उपचारकै क्रममा उनको मृत्यु भएको प्रहरीले जनाएको छ ।

घटनापछि स्थानीय क्षेत्रमा शोकको वातावरण बनेको छ ।
प्रहरीले घटनाबारे आवश्यक अनुसन्धान भइरहेको जनाएको छ ।