गण्डकीदेखि सुदूरपश्चिमसम्म उच्च भू–भागमा हल्का वर्षाको संकेत

२०८२ माघ १८ गते आइतबार देशभरको मौसम अवस्था अनुसार दिउँसो तराईका केही स्थानमा हुस्सु/कुहिरो देखिन सक्नेछ भने अधिकांश भू–भागमा मौसम मुख्यतया सफा रहनेछ। कर्णाली र सुदूरपश्चिम प्रदेशका पहाडी तथा हिमाली क्षेत्रमा साधारणतया बदली रही उच्च पहाडी तथा हिमाली भू–भागका एक–दुई स्थानमा हल्का वर्षा वा हिमपातको सम्भावना रहेको छ। कोशी, बागमती, गण्डकी र लुम्बिनी प्रदेशका हिमाली क्षेत्रमा आंशिक बदली तथा पहाडी र तराई क्षेत्रमा अधिकांशतया सफा मौसम रहने अनुमान छ। राति पनि तराईका केही स्थानमा हुस्सु लाग्न सक्नेछ भने गण्डकी, कर्णाली र सुदूरपश्चिम प्रदेशका पहाडी तथा हिमाली क्षेत्रमा बदली रही एक–दुई स्थानमा हल्का वर्षा वा हिमपातको सम्भावना कायमै रहनेछ, बाँकी भू–भागमा मौसम सामान्यतया सफा रहने पूर्वानुमान छ।