‘जेनजी’ प्रदर्शन घाइतेलाई सरकारको आग्रह: छुटेका परिचयपत्रका लागि तुरुन्त सम्पर्कमा आउनुहोस्

काठमाडौँ – सरकारले ‘जेनजी’ प्रदर्शनमा घाइते भएका व्यक्तिलाई परिचयपत्र लिन छुटेको भए तुरुन्त सम्पर्कमा आउन आग्रह गरेको छ। गृह मन्त्रालयले जारी गरेको सूचनामा, सम्बन्धित व्यक्ति आफ्नो जिल्ला प्रशासन कार्यालयमा गई आवश्यक विवरण पेश गरी परिचयपत्र प्रक्रियामा आउन सक्ने जानकारी दिएको छ।

हालसम्म ५३६ जना घाइतेले परिचयपत्र बनाइसकेका छन्। जिल्ला प्रशासन कार्यालयले घाइतेहरूको वर्गीकरण गर्दै स्वास्थ्य मन्त्रालयमा विवरण पठाइरहेको छ।

काठमाडौँका सहायक प्रमुख जिल्ला अधिकारी मुक्तिराम रिजालका अनुसार, हालसम्म कुल १६९ जना घाइतेहरूको वर्गीकरण भएको छ:

• अति गम्भीर: १५

• गम्भीर: ५१

• मध्यम: ३६

• सामान्य: ६७

सरकारले घाइतेहरूलाई छिटो परिचयपत्र उपलब्ध गराउन प्रक्रिया तिव्र बनाएको र सबैले छुटेका कागजातका लागि ढिला नगरी कार्यालयमा सम्पर्क गर्नुपर्ने जानकारी दिएको छ।

घाइते साथीहरू र परिवारजनहरू: परिचयपत्र पाउन ढिला नगर्नुहोस्, तुरुन्त सम्पर्कमा आउनुहोस्।