काठमाडौंमा मनाइयो ज्यापु दिवस र य:मरी पुन्हि, र्‍यालीमा रंगीन उत्सव

काठमाडौं — काठमाडौंको हाँडीगाउँमा बिहीबार नेवार समुदायले ज्यापु दिवस र य:मरी पुन्हि धूमधामसँग मनाएका छन्। विशेष र्‍याली हाँडीगाउँबाट सुरु भई बसन्तपुर दरबार स्क्वायरसम्म पुगेको थियो।

र्‍यालीमा सहभागीहरूले परम्परागत लुगा र सांस्कृतिक नाचगानका साथ उत्सवलाई अझै रंगीन बनाएका थिए। सो अवसरमा दरबार स्क्वायरमा विशेष कार्यक्रम आयोजना गरिएको थियो, जसमाप्रधानमन्त्री सुशीला कार्कीलाई प्रमुख अतिथिको रूपमा निमन्त्रणा गरिएको छ।

स्थानीयहरूले उत्सवको माहोल अत्यन्तै रमाइलो भएको र परम्परागत संस्कृतिको सुन्दर झलक भेटिएको बताएका छन्। आयोजकहरूले भने, “ज्यापु दिवस र य:मरी पुन्हि हाम्रो संस्कृति र समुदायको पहिचानको प्रतीक हो। यसरी एकसाथ मिलेर मनाउनु हामी सबैका लागि गर्वको कुरा हो।”

र्‍याली र कार्यक्रमका तस्बिरहरू अहिले सामाजिक सञ्जालमा भाइरल भइरहेका छन्, र धेरैले आफ्नो खुशी र उत्साह व्यक्त गरेका छन्।

काठमाडौंमा सांस्कृतिक उत्सवको यो दृश्यले राजधानीलाई साँच्चिकै रंगीन बनायो।