जनताको सेवा प्राथमिकता, ओलीको चुनौतीपूर्ण सन्देश

काठमाडौं, मंसिर ३ – नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले स्थानीय तहका जनप्रतिनिधिसँगको अन्तरक्रियामा जटिल परिस्थितिमा पनि देश र जनताको पक्षमा काम गर्नुपर्ने जोड दिनुभएको छ।

बुधबार च्यासलमा नेकपा एमालेको स्थानीय विकास विभागले आयोजना गरेको कार्यक्रममा बोल्दै ओलीले “अरूले के गर्छन् त्यो फरक कुरा हो, तर हामीले जनतालाई छिटो, छरितो र बिना भेदभाव सेवा दिनै पर्छ” भन्नुभयो।

उहाँले अहिलेको सरकारलाई ‘हा हु कै’ सरकारको रूपमा वर्णन गर्दै, विगतमा गाउँलेले नै मुखिया छान्ने गरेको स्मरण गराउँदै अहिले मुखिया-कै-कहाँबाट आएका थाहा नभएको गुनासो गर्नुभयो।

ओलीले थप भन्नुभयो, “अहिले केही क्षणका लागि मुसाले बिरालोलाई तर्साए जस्तो भयो, एमालेलाई ५०/६० जनाले तर्साउन खोज्दै छन्, तर आगो छाडिदिएपछि सिंहदरबार जलाए नि। अहिलेको सरकार कसले बनायो भन्ने पनि थाहा छैन।”

उनले सरकारको टिक्ने वा झुण्डिने कुनै आधार नभएको भन्दै, “तै पनि जनताले अत्यधिक बहुमतले छाने जस्तो धाक-धम्की छ” भन्नुभयो।