तिम्रो आगमनको प्रतीक्षामा हराएको निद्रा : ‘निद्रा लाग्दैन मलाई आज’

निद्रा लाग्दैन मलाई आज
रात नै दिन भएझैँ भयो
चिम्लन्छु आँखा केही बेर,
संसारै सारा फेरिएझैँ भयो ।।

सपना नै पनि के चाहिँ थियो र,
खुशी धेरै यस्तो मिल्यो
निद्रा लाग्दैन मलाई आज,
रात नै दिन भएझैँ भयो ।।

रात र दिन छुट्याउनै भयो गाह्रो,
आँखालाई अचेल के पो भयो
निद्रा लाग्दैन मलाई आज,
रात नै दिन भएझैँ भयो ।।

चिरियो घडी बेचैनीको,
तिम्रो आगमन जो हुने भयो
निद्रा लाग्दैन मलाई आज,
रात नै दिन भएझैँ भयो ।।

जय श्रीकृष्ण — मार्शल २०८३/०४/२९