जुवातास खेलिरहेको अवस्थामा १५ जना पक्राउ

चैत १५ मोरङ — विराटनगर महानगरपालिका–२ बस्ने वंशी राठीको घरमा जुवातास खेलिरहेको अवस्थामा ३९ वर्षीय बलराम राठीसहित ९ जनालाई शनिबार राति प्रहरीले पक्राउ गरेको छ। जिल्ला प्रहरी कार्यालय मोरङका अनुसार उनीहरूलाई नगद ९२,६४५ रूपैयाँ र ५ बुक ताससहित नियन्त्रणमा लिएको हो।

ललितपुर — ललितपुर महानगरपालिका–१४ नखिपोट बस्ने शेर बहादुर थापाको घरमा जुवातास खेलिरहेको अवस्थामा ४० वर्षीया योजना लिम्बुसहित ६ जनालाई प्रहरीले शनिबार बेलुकी पक्राउ गरेको छ। प्रहरी वृत्त सातदोबाटोका अनुसार उनीहरूलाई नगद १,३६,९५० रूपैयाँ र २४ बुक ताससहित नियन्त्रणमा लिइएको हो।

प्रहरीले यस सम्बन्धमा आवश्यक अनुसन्धान जारी राखेको छ र जुवातास नियन्त्रणमा कडा कारबाहीको सुनिश्चितता गरेको छ।