करेन्ट लागेर दुई जनाको मृत्यु

काठमाडौं, २ फागुन

सिन्धुली र कैलालीमा दुई जनाको करेन्ट लागेर मृत्यु भएको छ।

सिन्धुली: तिनपाटन गाउँपालिका-२ कदमे घर भई कमलामाई नगरपालिका-४ ढुंग्रेबास बस्ने ४२ वर्षीय रामलाल श्रेष्ठ शनिबार दिउँसो बिजुलीको पोलमा नेटको काम गर्ने क्रममा करेन्ट लागेर गम्भीर घाइते भएका थिए। जिल्ला अस्पताल सिन्धुलीमा उपचारको क्रममा उनको मृत्यु भएको छ।

कैलाली: धनगढी उपमहानगरपालिका-१९ फुलवारी बस्ने २० वर्षीय बिमल चौधरी शुक्रबार दिउँसो बिजुलीको पोलमा ट्रान्सफर्मर राख्नेक्रममा करेन्ट लागेर गम्भीर घाइते भएका थिए। सेती प्रादेशिक अस्पतालमा उपचारको क्रममा उनको मृत्यु भएको छ।

घटनासँग सम्बन्धित प्रहरीले आवश्यक अनुसन्धान सुरु गरेको छ। प्रारम्भिक अनुसन्धानका अनुसार सुरक्षा मापदण्ड पालना नगरी कार्य गर्दा दुबै घटनामा मृत्यु भएको हुनसक्ने संकेत छ।

विद्युत् सम्बन्धी काम गर्दा सुरक्षा उपकरणको प्रयोग अनिवार्य छ। कुनै पनि उच्च भोल्टेज काम प्रशिक्षित व्यक्ति र सुरक्षा सामग्रीसहित गर्नु अनिवार्य छ।