सुर्खेतमा दुई युवक ब्राउनसुगरसहित पक्राउ

सुर्खेत, २० कात्तिक
विरेन्द्रनगर–३ तातापानीमा बिहीबार बिहान प्रहरीले अवैध लागूऔषध ‘ब्राउनसुगर जस्तो देखिने पदार्थ’ २ ग्राम ४६० मिलिग्राम र नगद रु. १४,३२५ सहित दुई जना युवकलाई रंगेहात पक्राउ गरेको छ ।

पक्राउ पर्नेहरूमा सोही ठाउँका २२ वर्षीय मधुसुधन कटुवाल र २४ वर्षीय खेमराज कटुवाल रहेका छन्।
जिल्ला प्रहरी कार्यालय सुर्खेतबाट खटिएको टोलीले गोप्य सूचनाका आधारमा उनीहरूलाई नियन्त्रणमा लिएको जनाएको छ।

प्रहरीका अनुसार बरामद पदार्थ प्रयोगका लागि नभई बिक्री वितरणको तयारीमा रहेको प्रारम्भिक अनुसन्धानबाट संकेत मिलेको छ। हाल उनीहरूलाई थप अनुसन्धानका लागि नियन्त्रणमा राखिएको छ।

Iप्रहरीको अपिल: यस्ता अवैध लागूऔषधको कारोबारले युवा पुस्ताको भविष्यमा कालो धब्बा थप्दै गएको छ। समाजलाई स्वच्छ बनाउने अभियानमा सबैको सहकार्य आवश्यक रहेको प्रहरीले जनाएको छ।