अदुवा र कमला खोलामा डुबेर दुई जनाको मृत्यु

काठमाडौं, १९ कात्तिक | विशेष रिपोर्ट

देशका विभिन्न स्थानमा दुई छुट्टाछुट्टै जल दुर्घटनामा दुई जनाको ज्यान गएको छ।

पहिलो घटना झापाको बिर्तामोड नगरपालिका–४ मेघाबारी टोलमा भएको हो। स्थानीय बिक्रम माझीका साढे २ वर्षीय छोरा दिवांश माझीबुधबार बिहान घर नजिकैको अदुवा खोलामा डुबेर अशक्त भएका थिए।
उनीलाई तत्काल बिएण्डसी अस्पताल बिर्तामोड पुर्याइए पनि उपचारकै क्रममा दुःखद निधन भएको प्रहरीले जनाएको छ।

त्यसैगरी, दोस्रो घटना धनुषाको सहिदनगर नगरपालिका–१ रामघाटस्थित कमला खोलामा घटेको हो। सिराहा कल्याणपुर नगरपालिका–४ डरौलकी १६ वर्षीया आशा कुमारी महरा बुधबार बिहान नुहाउने क्रममा खोलामा डुबेर अशक्त भइन्।
उनीलाई उद्धार गरी सबैला अस्पताल लगिएको भए पनि उपचारका क्रममा ज्यान गुमाइन्।

प्रहरीले दुवै घटनाको आवश्यक अनुसन्धान भइरहेको जनाएको छ।