उदयपुरमा ठूलो ड्रग्स डिल असफल! प्रहरीले सप्तकोशी किनारबाट १३४ किलो गाँजा बरामद

उदयपुर, १६ कात्तिक।
अवैध लागूऔषध नियन्त्रण अभियान अन्तर्गत प्रहरीले उदयपुरमा ठूलो सफलता हात पारेको छ।
बेलका नगरपालिका–८ कोठु दोभानस्थित सप्तकोशी नदी किनारबाट करिब १३४ किलोग्राम गाँजा बरामद गरिएको हो!

इलाका प्रहरी कार्यालय रामपुर ठोक्सिलाबाट खटिएको टोलीले बिहानै रबरको दुई वटा ट्युबभित्र प्लास्टिकमा प्याक गरी लुकाइएका गाँजाका पोका फेला पारेको जनाएको छ।

प्रहरीका अनुसार, गाँजा नदी पार गरेर अन्य स्थानतर्फ तस्करी गर्न खोजिएको अनुमान गरिएको छ।
हाल घटनासम्बन्धी थप अनुसन्धान जारी रहेको प्रहरीले जनाएको छ।

💬 स्थानीयको भनाइ:

“सप्तकोशीको बगर अब त तस्करीको बाटो बन्‍न थालेको छ,”
“यस्तो ठूलो परिमाण कहिल्यै देखेको थिइनौं,”
भन्ने टिप्पणीहरू सामाजिक सञ्जालमा भाइरल बनेका छन्।