विद्युत् सर्टबाट घरमा आगो, लाखौं मूल्यको धनमाल खरानी

कालिकोट, १३ कात्तिक — ठाँटी खबर

कालिकोटको रास्कोट नगरपालिका–१ तामाकोटमा बुधबार राति भएको आगलागीले ठूलो धनमाल नष्ट भएको छ।
विद्युत् सर्ट भएर धनगिर शाहीको घरमा लागेको आगोले करिब रु. ४ लाख ६१ हजार बराबरको सामान जलेर खरानी भएको प्रहरीले जनाएको छ।

प्रहरी र स्थानीय बासिन्दाको सक्रियतामा आगो नियन्त्रणमा ल्याइएको हो।
सुदूर ठाउँमा भएको आगलागीका कारण घरका लत्ता–कपडा, अन्नपात, फर्निचर र अन्य घरायसी सामग्री पूर्ण रूपमा जलेर नष्ट भएका छन्।

प्रहरीले घटनाबारे थप अनुसन्धान गरिरहेको जनाएको छ।