मोरङमा लागूऔषधसहित युवक पक्राउ

मोरङ, ९ कात्तिक —

मोरङको मिक्लाजुङ गाउँपालिका–३ बाट प्रहरीले एक युवालाई नियन्त्रित लागूऔषध ट्रामाडोल ६७ ट्याब्लेटसहित पक्राउ गरेको छ।

पक्राउ परेका व्यक्ति सोही गाउँपालिका–२ निवासी २० वर्षीय युनिश विक भएको प्रहरीले जनाएको छ।
अस्थायी प्रहरी चौकी टाँडीबाट खटिएको टोलीले आइतबार बिहान उनलाई पक्राउ गरेको हो।

पक्राउ परेका विकमाथि लागूऔषध ऐन अन्तर्गत कारबाही प्रक्रिया अघि बढाइएको प्रहरीले जनाएको छ।
घटनाबारे थप अनुसन्धान जारी छ।