बडा दशैं, शुभ दीपावली, नेपाल संवत् ११४७ तथा छठ पर्वको अवसरमा शुभकामना सन्देश

आदरणीय नगरवासी बुबाआमा, दाजुभाइ, दिदीबहिनी तथा सम्पूर्ण नेपाली जनसमुदायमा,

नेपालीहरूको महान् चाडपर्वहरू बडा दशैं, शुभ दीपावली, नेपाल संवत् ११४७ तथा छठ पर्व को सुअवसरमा तार्केश्वर नगरपालिका र नगर कार्यपालिकाको कार्यालय तथा मेरो व्यक्तिगत तर्फबाट देश तथा विदेशमा रहनुहुने सम्पूर्ण नेपाली दाजुभाइ तथा दिदीबहिनीहरूमा सुख, शान्ति, समृद्धि, सुस्वास्थ्य, उत्तरोत्तर प्रगति एवं दीर्घायुको मंगलमय शुभकामना व्यक्त गर्दछु।

हाम्रा चाडपर्वहरू केवल मनोरञ्जनका माध्यम मात्र होइनन्, यी हाम्रा ऐतिहासिक, सांस्कृतिक र मौलिक पहिचानका धरोहर हुन्। यस्ता पर्वहरूले छरिएर रहेका परिवारका सदस्यहरूलाई एक ठाउँमा जम्मा गराउने, आपसी सद्भाव, मेलमिलाप, भाइचारा र सामाजिक एकताको सुदृढ धागोमा हामीलाई बाँध्ने काम गर्छन्।

बडा दशैं ले हामीलाई असत्यमाथि सत्यको विजय र अहंकारमाथि सदाचारको संदेश दिन्छ भने, शुभ दीपावली (तिहार) ले उज्यालोको पर्वको रूपमा हाम्रो जीवनमा अन्धकारलाई चिर्दै ज्ञान र समृद्धिको उज्यालो छरेको छ।

मौलिक संस्कृति र नेपालको आफ्नै पञ्चाङ्गमा आधारित नेपाल संवत् ११४७ ले हामीलाई परोपकार, सहअस्तित्व र स्वाधीनताको गौरवशाली इतिहास स्मरण गराउँछ।

त्यसैगरी, प्रकृतिप्रतिको कृतज्ञता, निष्ठा र सूर्य उपासनाको महान पर्व छठ ले हाम्रा विविध संस्कृतिको गरिमालाई अझ उच्च बनाएको छ।

विविधतामा एकता नै नेपालको अद्वितीय शक्ति हो। यी पर्वहरूले हामीबीचको जातीय, भाषिक, र सांस्कृतिक विविधतालाई अझ सुदृढ गर्दै ‘समृद्ध तार्केश्वर, सुखी नगरवासी’ को साझा संकल्प पूरा गर्न हामी सबैलाई प्रेरणा प्रदान गर्नेछन् भन्ने मैले विश्वास लिएको छु।

चाडपर्वहरू मनाउँदा आफ्ना मौलिक परम्परा, सामाजिक मर्यादा, आपसी सद्भाव र स्वास्थ्य सरसफाइको विशेष ख्याल गर्दै यी पर्वहरूलाई हर्षोल्लासपूर्वक मनाउनुहुन हार्दिक अनुरोध गर्दछु।

पुनः एकपटक, बडा दशैं, शुभ दीपावली, नेपाल संवत् ११४७ तथा छठ पर्वको यहाँहरू सबैलाई मंगलमय शुभकामना!

जय देश! जय तार्केश्वर!
शुभकामना प्रेषक:
श्री कृष्ण हरि महर्जन
नगर प्रमुख
तार्केश्वर नगरपालिका, नगर कार्यपालिकाको कार्यालय
काठमाडौँ, नेपाल