कञ्चनपुर, १९ असोज। कञ्चनपुरको बेदकोट नगरपालिका–७ लालपुरमा मोटरसाइकल अनियन्त्रित भई दुर्घटना हुँदा चालकको मृत्यु भएको छ।

सोमबार दिउँसो से.६ प २२० नम्बरको मोटरसाइकल अनियन्त्रित भएर दुर्घटना हुँदा बेदकोट नगरपालिका–५ बस्ने २४ वर्षीय बिक्रम बम गम्भीर घाइते भएका थिए।

दुर्घटनामा गम्भीर घाइते बमको महाकाली प्रादेशिक अस्पतालमा उपचारका क्रममा मृत्यु भएको प्रहरीले जनाएको छ।

दुर्घटनाको कारणबारे प्रहरीले आवश्यक अनुसन्धान गरिरहेको छ।