चलचित्र फोटो पत्रकार रेखा लामिछानेलाई ‘मिडिया ठाँटी सम्मान–२०८३’, दोस्रो शल्यक्रियाको तयारीमा रहेकी लामिछानेलाई शीघ्र स्वास्थ्यलाभको कामना

काठमाडौं । नेपाली चलचित्र पत्रकारिता, चलचित्र फोटो पत्रकारिता तथा फोटोग्राफीको क्षेत्रमा उल्लेखनीय योगदान पुर्‍याउँदै आउनुभएकी रेखा लामिछानेलाई ‘मिडिया ठाँटी सम्मान–२०८३’ बाट सम्मानित गरिएको छ।

मिडिया ठाँटी प्रा.लि.को तेस्रो वार्षिकोत्सव समारोहका अवसरमा लामिछानेलाई नेपाली चलचित्र कला, संस्कृति तथा मनोरञ्जन क्षेत्रका गतिविधिलाई समाचार, तस्बिर तथा दृश्य अभिलेखमार्फत जनसमक्ष पुर्‍याउँदै चलचित्र क्षेत्रको विकास, प्रवर्द्धन तथा कलाकारहरूको सिर्जनात्मक यात्रालाई उजागर गर्न पुर्‍याउनुभएको योगदानको उच्च कदर गर्दै सम्मान प्रदान गरिएको हो।

लामिछानेले चलचित्र पत्रकारिता तथा फोटोग्राफीमार्फत नेपाली चलचित्र क्षेत्रका गतिविधिलाई निरन्तर जनसमक्ष ल्याउँदै आउनुभएको छ। उहाँको व्यावसायिक निष्ठा, सिर्जनशीलता, समर्पण र सक्रियताको सम्मान गर्दै मिडिया ठाँटी परिवारले उहाँको योगदानको उच्च प्रशंसा गरेको छ।

यसैबीच, सम्मानित व्यक्तित्व रेखा लामिछाने हाल स्वास्थ्य उपचार तथा दोस्रो शल्यक्रियाको तयारीमा रहनुभएको छ। मस्तिष्कमा देखिएको ट्युमरको दोस्रो शल्यक्रियाका लागि चिकित्सकसँग आवश्यक परामर्श गरी अप्रेसनको मिति तय भइसकेको र उहाँ उपचारको तयारीमा रहनुभएकोजानकारी प्राप्त भएको छ।

स्वास्थ्य जीवनको सबैभन्दा महत्वपूर्ण पक्ष हो। यस्तो चुनौतीपूर्ण समयमा पनि लामिछानेले देखाउनुभएको आत्मविश्वास, सकारात्मक सोच, साहस र संघर्षशील भावना प्रेरणादायी रहेको मिडिया ठाँटी परिवारले जनाएको छ।

मिडिया ठाँटी प्रा.लि. परिवारले उहाँको शल्यक्रिया सफल होस्, उपचारका सबै चरण सहज रूपमा सम्पन्न होऊन् र उहाँले छिट्टै पूर्ण स्वास्थ्यलाभ प्राप्त गरी पुनः आफ्नो सक्रिय पत्रकारिता तथा सिर्जनात्मक यात्रामा फर्किन सकून् भन्ने हार्दिक शुभकामना व्यक्त गरेको छ।

“रेखाजी, तपाईंको साहस र सकारात्मक सोच नै तपाईंको ठूलो शक्ति हो। यो कठिन समय पनि अवश्य पार हुनेछ। शल्यक्रिया सफल होस्, शीघ्र स्वास्थ्यलाभ होस् र अझ बलियो आत्मविश्वासका साथ पुनः आफ्नो कर्मक्षेत्रमा फर्किनुहोस्—मिडिया ठाँटी परिवारको यही हार्दिक प्रार्थना र शुभेच्छा छ।”

उहाँको उपचार तथा स्वास्थ्यलाभको यस महत्वपूर्ण समयमा मिडिया ठाँटी प्रा.लि. परिवार साथ, हौसला र सकारात्मक ऊर्जाका साथ उहाँको शीघ्र स्वास्थ्यलाभको कामना गर्दछ।

मिडिया ठाँटी प्रा.लि. परिवार
हार्दिक शीघ्र स्वास्थ्यलाभको कामना।