ओली र लेखक दुवैलाई २ नम्बर गणमा राख्ने तयारी

काठमाडौँ । पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई महाराजगन्जस्थित सशस्त्र प्रहरी २ नम्बर गणमा राख्ने तयारी भइरहेको प्रहरीले जनाएको छ।

प्रहरीका अनुसार दुवै नेताको स्वास्थ्य परीक्षण पछि उनीहरूलाई २ नम्बर गणमा सारिनेछ। ओली र लेखकलाई शनिबार बिहान भक्तपुरबाट पक्राउ गरिएको थियो।

पक्राउपछि उनीहरूलाई पहिलोमा प्रहरी परिसर काठमाडौँ ल्याएर आवश्यक प्रक्रियापछि अस्पतालमा स्वास्थ्य जाँच गरिएको थियो। स्वास्थ्य परीक्षणपछि दुवै जनालाई २ नम्बर गणमा राख्ने तयारी अघि बढाइएको प्रहरीले जानकारी दिएको छ।

यस घटनासँग सम्बन्धित कानुनी प्रक्रिया र अनुसन्धान अझै जारी रहने जनाइएको छ।