पूर्व प्रधानमन्त्री केपी ओली पक्राउ

काठमाडौँ । नेपालका पूर्व प्रधानमन्त्री केपी शर्मा ओलीलाई प्रहरीले नियन्त्रणमा लिएको छ। उनलाई शनिबार बिहान भक्तपुरको गुण्डु क्षेत्रबाट पक्राउ गरिएको सुरक्षा स्रोतले जनाएको छ। पक्राउका क्रममा कानुनी प्रक्रिया अनुसार पक्राउ पुर्जीसमेत दिइएको बताइएको छ।

नयाँ सरकार गठन भएपछि बसेको मन्त्रिपरिषद् बैठकले एक छानबिन प्रतिवेदन कार्यान्वयन गर्ने निर्णय गरेको थियो। सोही निर्णयपछि सम्बन्धित निकायहरूले कारबाही प्रक्रिया अघि बढाएका हुन्।

जेनजी प्रदर्शनसँग सम्बन्धित घटनाको अनुसन्धान गर्न गठन गरिएको समितिले आफ्नो निष्कर्षमा उच्च तहका जिम्मेवार व्यक्तिमाथि फौजदारी अनुसन्धान आवश्यक रहेको औंल्याएको थियो। सो सिफारिसका आधारमा पूर्व प्रधानमन्त्री ओली र तत्कालीन गृहमन्त्रीमाथि कानुनी प्रक्रिया सुरु गरिएको हो।

भदौ २३ र २४ मा काठमाडौँको बानेश्वर क्षेत्रमा भएको प्रदर्शनका क्रममा सुरक्षा बलद्वारा गोली चलाउँदा ठूलो मानवीय क्षति भएको थियो।  जेनजी प्रदर्शनको क्रममा ७६ जनाको मृत्यु भएको थियो ।

हाल ओलीलाई नियन्त्रणमा लिएर थप अनुसन्धान अगाडि बढाइएको प्रहरीले जनाएको छ। यस घटनाले देशको राजनीतिक माहोलमा नयाँ तरंग ल्याएको छ।