ठाँटि विशेष ताजा समाचार

वैदेशिक रोजगारीको नाममा ठूलो ठगी – न्यूजिल्याण्ड र ग्रीस पठाइदिन्छु भन्दै लाखौँ उठाएर फरार, २ जना पक्राउ

वैदेशिक रोजगारीको नाममा ठूलो ठगी – न्यूजिल्याण्ड र ग्रीस पठाइदिन्छु भन्दै लाखौँ उठाएर फरार, २ जना पक्राउ

काठमाडौं, २० माघ
विदेश जाने सपना देखाएका युवाहरूलाई ठग्ने गिरोहविरुद्ध प्रहरीले कडा कारबाही गरेको छ। आकर्षक तलबको प्रलोभन देखाउँदै न्यूजिल्याण्ड र ग्रीस पठाइदिन्छु भनेर लाखौँ रुपैयाँ असुली फरार भएका २ जना ठग पक्राउ परेका छन्।

को-को परे पक्राउ?

  • २४ वर्षीय अन्जन भुजेल
    (काठमाडौं–३१, स्थायी घर धादिङ थार्के–७)

  • ३१ वर्षीय नविन दमाई
    (काठमाडौं–२६, स्थायी घर सल्यान वनगाड कुपिण्डे–४)

कति ठगी भयो?

  • अन्जन भुजेलले न्यूजिल्याण्ड पठाइदिन्छु भन्दै
    ५ जना पीडितबाट १७ लाख १० हजार रुपैयाँ

  • नविन दमाईले ग्रीस पठाइदिन्छु भन्दै
    २ जना पीडितबाट २ लाख ६० हजार रुपैयाँ

रकम लिएपछि दुवै जना सम्पर्कविहीन भएको पीडितहरूको उजुरीपछि प्रहरी सक्रिय भएको हो।

कहाँबाट पक्राउ?

काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले

  • अन्जनलाई काठमाडौं–३१ बाट

  • नविनलाई काठमाडौं–३२ बाट पक्राउ गरेको हो।

दुवै जनालाई आवश्यक अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ।

-->