Pinkey Shah को कडा फेसबुक पोस्ट : ‘प्रधानमन्त्रीलाई एक्लै छाडेर सबै सांसद बन्न दौडे’

काठमाण्डौँ ! देश सम्हाल्न र निष्पक्ष निर्वाचन गराउन जिम्मेवारी पाएका नेताहरूले जनतामाथि गम्भीर धोका दिएको आरोपसहित सामाजिक सञ्जालमा तीव्र बहस सुरु भएको छ। Pinkey Shah ले फेसबुकमार्फत सार्वजनिक गरेको भावनात्मक र आक्रोशपूर्ण पोस्ट अहिले व्यापक रूपमा भाइरल भइरहेको छ।

उनको पोस्टमा प्रधानमन्त्रीलाई एक्लै छाडेर स्वार्थी नेताहरू सांसद बन्न दौडिएको उल्लेख गरिएको छ। सबै मन्त्रीहरूले धोका दिएको दाबी गर्दै, कठिन परिस्थितिमा पनि प्रधानमन्त्रीले देशप्रति इमानदारी देखाएको भन्दै उनले सम्मान व्यक्त गरेकी छिन् । नारी शक्ति, आमाको उमेर र राष्ट्रप्रतिको समर्पणका कारण प्रधानमन्त्रीप्रति श्रद्धा कायम रहेको उल्लेख पोस्टमा गरिएको छ।

Pinkey Shah ले अब साहसिक कदम चाल्न आग्रह गर्दै प्रधानमन्त्रीलाई राजीनामा दिई जिम्मेवारी सेनालाई सुम्पिन सुझाव दिएकी छिन् । साथै, सेना र राजाको नेतृत्वमा नयाँ र पुराना ठगहरूलाई जेल हालेर देशमा नयाँ इतिहास रच्नुपर्ने आह्वान गरेकी छिन् ।

यो पोस्टलाई धेरैले “जनताको आक्रोशको आवाज” भन्दै समर्थन गरिरहेका छन् भने केहीले यसलाई राजनीतिक व्यवस्थामाथिको गम्भीर प्रश्नको रूपमा व्याख्या गरेका छन्। जे भए पनि, Pinkey Shah को यो पोस्टले देशको वर्तमान अवस्था, नेतृत्व र भविष्यको दिशाबारे ठूलो बहस जन्माएको छ।