मोटरसाइकल दुर्घटनामा एक जनाको मृत्यु

काठमाडौं, १९ भदौ

काठमाडौं महानगरपालिका-६ चुच्चेपाटी भाटभटिनीस्थित सडकमा बा.५१ प ४९७६ नम्बरको मोटरसाइकल अनियन्त्रित भई बिहीबार बिहान दुर्घटना हुँदा मोटरसाइकलमा सवार काठमाडौं साखु बस्ने उदयपुर घर भएकी ३५ वर्षीया उषा तामाङको मृत्यु भएको छ । दुर्घटनामा गम्भीर घाइते भएकी उनको स्तुपा सामुदायिक अस्पताल चुच्चेपाटीमा उपचारको क्रममा मृत्यु भएको हो ।

दुर्घटनाका सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।