आगलागीबाट विभिन्न धनमाल जलेर नष्ट

काठमाडौं, १९ फागुन

​सोलुखुम्बु, लिखुपिके गाउँपालिका-३ काफ्लेचौर बस्ने रूद्र बहादुर खत्रीको घरमा भाडामा रहेको लिखुपिके गाउँपालिकाको नापी शाखा, भौतिक पूर्वाधार विकास शाखार प्रधानमन्त्री रोजगार शाखाको स्टोर रूममा विद्युत सर्ट भई आइतबार दिउँसो आगलागी हुँदा घर, घर भित्र रहेका नगद तथाजिन्सी सामन र ३ वटा शाखाको कम्प्युटर, ल्याप्टप, महत्वपुर्ण कागजपत्रहरू लगायतका सामान पूर्णरूपमा जलेर करिब १ करोड १९ लाख १ हजार ९ सय ५० रूपैयाँ बराबरको धनमाल नष्ट भएको छ ।

​सुनसरी, भोक्राहा नरसिंह गाउँपालिका-६ उराव टोल बस्ने मनोज उरावको घरमा आइतबार दिउँसो लागेको आगो फैलिएर सोही ठाउँ बस्ने ६ जनाको ६ वटा घर पूर्णरूपमा जलेर करिब २२ लाख ५० हजार रूपैयाँ बराबरको धनमाल नष्ट भएको छ ।

प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻