भारी हतियारसहित एक युवक पक्राउ, अर्को ठाउँमा वेवारिसे रायफल बरामद

काठमाडौं, २० कात्तिक | नेपाल न्युज अपडेट

देशभर सुरक्षा निकायलाई चकित पार्ने घटनामा, प्रहरीले राजधानी काठमाडौं र झापा दुबै स्थानमा हतियार फेला पारेको छ।

काठमाडौं — मनमैजुबाट भारी हतियारसहित युवक पक्राउ

तारकेश्वर नगरपालिका–११, मनमैजु लोकतान्त्रिक चोकमा डेरा गरी बस्ने २३ वर्षीय शिवराज धमला (घर कैलाली, टीकापुर–१) लाई प्रहरीले ईन्सास राइफल, सर्टगन, चाइनीज पेस्तोलसहित पक्राउ गरेको हो।

विशेष सूचनाको आधारमा खटिएको प्रहरीले शिवराजको कोठा तलासी गर्दा फेला पारेका हतियारहरू👇

🔸 ईन्सास राइफल – १ थान
🔸 सर्टगन – १ थान
🔸 ठुलो चाइनीज पेस्तोल – १ थान
🔸 एसएलआर राइफलको ब्ल्याङ्क राउन्ड – २०५ थान
🔸 ईन्सास म्यागजिन – १६ थान
🔸 पेस्तोल म्यागजिन – २ थान

प्रहरीले घटनाको गम्भीरता हेर्दै हतियारको स्रोत र उद्देश्यबारे अनुसन्धान सुरु गरेको जनाएको छ।

झापा — झाडीभित्र फेला पर्‍यो वेवारिसे रायफल

त्यसैगरी, झापा बिर्तामोड नगरपालिका–६, सुगम शान्ति टोलमा रहेको झाडीबाट प्रहरीले वेवारिसे अवस्थामा ईन्सास राइफल १ थान, म्यागजिन १ थान र २१ राउन्ड गोली बरामद गरेको छ।

इलाका प्रहरी कार्यालय अनारमनिबाट खटिएको टोलीले उक्त हतियार सुरक्षित रूपमा नियन्त्रणमा लिएको र स्रोत पत्ता लगाउने काम भइरहेकोजनाएको छ।

“हतियारजस्ता संवेदनशील सामग्री कसरी र कहाँबाट ल्याइयो भन्ने विषयमा गहिरो अनुसन्धान भइरहेको छ,” प्रहरीले जनाएको छ।

👉 शंकास्पद गतिविधि देखे तुरुन्त प्रहरीलाई खबर गरौं।
👉 हतियारको अवैध कारोबार समाज र देशको सुरक्षामा खतरा हो।
👉 सचेत नागरिक बन्छौं, अपराध नियन्त्रणमा साथ दिऔं।